白癜风是什么原因引起的 https://m.39.net/disease/a_5657425.html<
原创沈嘉禄海上梦叠
作者：沈嘉禄
沪语改写、讲述：朱友好
审阅、推荐：丁迪蒙
编辑：王乙其
新年里，朋友到阿拉屋里来白相，拎了两盒猕猴桃，还呒没进门就怨天怨地讲了。我屋里个周边本来有十多爿水果店，现在勿剩几家了。寻到家店堂稍微大眼个，想拣只像样眼个水果篮，商家讲呒没。“侬看看，两只盒头叠起来用绳子一扎，像捆旧报纸，呒没气氛呀。”
“还好，现在个猕猴桃还是甜个。”我谢过朋友，泡了杯茶，慢慢叫搭伊讲道理，“摆了早几年，一到迭个辰光，马路浪个水果店是一年当中生意最好、最闹猛个地方。水果篮是走亲眷、朋友个标配，红黄蓝绿一篮头堆得邪气高，丝带迭能一扎，看上去就适意。只要老板呒没勒篮头底下囥两只烂脱个水果，迭个生意也好一直做下去个。后首来，水果篮勿许堆勒人行道浪，店门口个木筐、果盘侪要拿进店里。迭能，从方便行人、改善环境个角度来看当然是好事体，但是，水果是小本生意，店面一般勿大，收缩之后转勿开，水果篮就勿好做唻，假使提前预订，可能还可以伐。”
我屋里周边个老房子迭两年拨拆掉交关，水果店一家家个关脱。剩下来个一家勒三百米以外，前后左右人去楼空，空城计再哪能唱，司马懿也勿愿意来了。老板是安徽人，老婆搭三个小囡还勒老家，最小个小囡生了种怪毛病，伊迭家小店开了已经六七年，从早到夜呒没休息个。现在就靠老顾客来照顾伊个生意，我家主婆也宁可多走眼路，到伊个店里买水果。
还有家门面更加窄，老板是廿岁出头个小青年，当初听到伊讲上海闲话辰光我一呆噢，现在上海爷娘啥人肯让小囡去做迭个行当啊，所以我要照顾伊个生意。伊待人接客诚恳热情，生意清淡个辰光，从摊头下头拿出本杂志看，伊晓得杜月笙勒十六铺削生梨、叶澄衷摇摆渡船个故事。好几趟，家主婆拎了袋苹果回来，我呢拎了袋香蕉进楼。到屋里，刚刚坐定下来，快递小哥送来一箱甜橙。朋友勒
